Monumenti Rumani, il-Katidral ta' San Pietru u l-Knisja tal-Madonna fi Trier

Il-Monumenti Rumani, il-Katidral ta' San Pietru u l-Knisja tal-Madonna fi Trier huma siti storiċi ta' importanza partikolari fi Trier, l-eqdem belt fil-Ġermanja, li tniżżlu fil-lista tas-Siti ta' Wirt Dinji tal-UNESCO fl-1986.^[1]

Skont il-Kumitat tal-Wirt Dinji tal-UNESCO, "Trier hija eżempju ta' belt kapitali Rumana kbira wara li l-imperu nqasam. Il-fdalijiet tal-Palazz Imperjali, flimkien mal-Awla Palatina u l-Banjijiet Termali Imperjali, huma impressjonanti fid-dimensjonijiet tagħhom. Il-belt tħaddan xhieda eċċezzjonali taċ-ċivilizzazzjoni Rumana bis-saħħa tad-densità u tal-kwalità tal-monumenti li ġew ippreservati: il-pont, il-fdalijiet tas-sur iffortifikat, il-banjijiet termali, l-anfiteatru, l-imħażen, eċċ. B'mod partikolari, l-arti funebri u s-sengħa tal-ħaddiema tal-fuħħar, tal-ħġieġ, u ta' dawk li jizzekkaw il-flus iffjorixxew fil-belt".^[1]

Fl-2009, is-sit deher fuq naħa ta' munita tad-deheb ta' 100 ewro.^[2][3]

1. ^ ^{a b} Centre, UNESCO World Heritage. "Roman Monuments, Cathedral of St Peter and Church of Our Lady in Trier". UNESCO World Heritage Centre (bl-Ingliż). Miġbur 2022-03-18.
2. ^ "100 Euro Trier Gold Coin Germany | CelticGold.eu". www.celticgold.eu. Miġbur 2022-03-18.
3. ^ Welle (www.dw.com), Deutsche. ""UNESCO-Welterbe-Dom zu Speyer" prägt 100-Euro-Goldmünze | DW | 12.12.2018". DW.COM (bil-Ġermaniż). Miġbur 2022-03-18.